ഡിസംബര്‍ 3

ലോകവികലാംഗദിനം 

             ഒരു ഉപജില്ലയിലെ വിദ്യാഭ്യാസ ആഫീസര്‍ ആയതുകാരണം എനിക്ക് ലഭിച്ച ഏറ്റവും വലിയ ഭാഗ്യം ആയിരക്കണക്കിന് കുഞ്ഞുപ്രതിഭകളെ നേരില്‍ കാണാനും അവരുടെ വിദ്യാലയ അനുഭവങ്ങളെ പങ്കുവയ്ക്കാനും ഉള്ള അവസരങ്ങളാണ് . അവരുടെ മനസ്സിന്റെ നന്മകള്‍ പ്രതിഭകളുടെ തിളക്കങ്ങള്‍ എന്നിവയെല്ലാം പലപ്പോഴും എന്നെ അതിശയപ്പെടുത്തിയിട്ടുണ്ട് .......അതിലൊരു അതി വിശിഷ്ട്ടമായ കഴിവുകളുള്ള പ്രതിഭയെ ഇന്നു ഞാന്‍ പരിചയപ്പെടുത്തുകയാണ് ......

            വിശാല്‍ പി എസ് , ബാലരാമപുരം ഹൈസ്കൂളില്‍ എട്ടാം തരത്തില്‍ പഠിക്കുന്നു . ജന്മനാ കേള്‍വിക്ക് വൈകല്യമുള്ള കൂട്ടുകാരനാണ് . പഠനത്തില്‍ മിടുക്കന്‍ . അതിനെക്കാള്‍ മികവ് മറ്റു ചില കാര്യങ്ങളിലാണ് .....വഴിയില്‍ നിന്നും ലഭിക്കുന്ന നാം ഉപേക്ഷിക്കുന്ന പല വസ്തുക്കളും അവന്‍ ശേഖരിക്കും . ഉദാഹരണമായി .... തീപ്പെട്ടിക്കവര്‍ ,റബ്ബര്‍ ബാന്റുകള്‍ , തെര്‍മ്മോക്കോള്‍ കഷണങ്ങള്‍ , ഉപയോഗിച്ച ബാറ്ററികള്‍ ...... എന്നിങ്ങനെ .... ഇവ കൊണ്ട് പല വിധത്തിലുള്ള ഉപകരണങ്ങളുണ്ടാക്കലാണ് അവന്‍റെ പ്രധാന ഹോബി .....

           ഫാനും എസ്കലെട്ടരും ലിഫ്റ്റും എല്ലാം അവന്‍ ഉണ്ടാക്കും . ഇവയൊക്കെ പ്രവര്‍ത്തിപ്പിച്ചു കാണിച്ചു അധ്യാപകരുടെയും കൂട്ടുകാരുടെയും കൈയ്യടി നേടിയിട്ടുണ്ട് . എല്ലാ ശാസ്ത്രമേളകളിലും അവന്‍ തന്നെ ഉണ്ടാക്കിയെടുത്ത ഒരു പ്രവര്‍ത്തന മാതൃകയുമായി പങ്കെടുക്കുകയും ചെയ്യും . എന്നെ ആകര്‍ഷിച്ച മറ്റൊരു ഘടകം വിശാലിന്റെ പഠനത്തിലും ഉത്പന്ന നിര്‍മ്മാണത്തിലും എപ്പോഴും കൂട്ടായും പ്രോത്സാഹനമായും വര്‍ത്തിക്കുന്നത് അവന്‍റെ കൂട്ടുകാരാണ് ..... അദ്ധ്യാപകന്‍ പറയുന്ന നിര്‍ദ്ദേശങ്ങള്‍ വ്യക്തമായില്ലെങ്കില്‍ ചുണ്ടിന്‍റെ ചലനത്തിലൂടെ അവനിലെത്തിക്കാന്‍ കൂട്ടുകാര്‍ എപ്പോഴും തല്പരരാണ് . മാത്രമല്ല അവന്‍റെ സൃഷ്ട്ടികളുടെ പ്രചാരകനും കൂട്ടുകാര്‍ തന്നെ . തബലയും ഡ്രംസെറ്റും നന്നായി വായിക്കുന്ന ആയോധനകലകളില്‍ പ്രാവീണ്യമുള്ള ഈ കൂട്ടുകാരന്റെ കഴിവുകള്‍ പറഞ്ഞാല്‍ തീരാത്തത്രയുണ്ട് .....
           ഇതുപോലെ വൈവിധ്യമാര്‍ന്ന കഴിവുകളുള്ള നിരവധി പ്രത്യേക പരിഗണന അര്‍ഹിക്കുന്ന കൂട്ടുകാര്‍ ബാലരാമപുരം സബ്ജില്ലയിലുണ്ട്. ഡിസംബര്‍ 3 അവര്‍ക്ക് വേണ്ടിയുള്ള ദിനമാണ് . സ്വന്തമായി ..... സ്വതന്ത്രമായി ..... ജീവിക്കാന്‍ അവരെ അനുവദിക്കണമെന്ന് നമ്മെ ഓര്‍മ്മപ്പെടുത്തുന്ന ദിനം . ഇത്തരത്തിലുള്ള കൂട്ടുകാരുടെ ജീവിതത്തിലെ അപൂര്‍ണ്ണതകളെയും ആശരണാവസ്ഥയെയും അതിജീവിക്കുന്നതിന് വേണ്ടിയുള്ള കഠിനമായ ശ്രമങ്ങള്‍ക്ക് കരുത്തായും കൂട്ടായും നമുക്ക് മാറാന്‍ കഴിയണം . സഹതാപമല്ല മറിച്ച് അംഗീകാരവും പരിഗണനയുമാണ് അവര്‍ ആഗ്രഹിക്കുന്നത് . " ഒറ്റപ്പെട്ടു പോകുന്ന അവസ്ഥ " അത് അനുഭവിച്ചാലേ അറിയാന്‍ കഴിയൂ ..... ഇങ്ങനെ ഒറ്റപ്പെട്ടു പോകുന്ന അവസ്ഥയിലേയ്ക്ക് പിന്തള്ളപ്പെട്ടു പോകാതിരിക്കാന്‍ ഈ കൂട്ടുകാര്‍ക്കായി ജാഗ്രത്തോടെ നമുക്ക് കൂട്ടിരിക്കാം ......

Aim of Celebrating the International Day of Disabled Persons

·         The crucial aim of celebrating this event is to increase the awareness and understanding of people towards the disability issues of disabled people.

·         To support the disabled people to get their self-respect, rights, welfare and security in the society.

·         To address all the issues of disabled person in all the aspects of life.

·         To analyze whether the rules and regulations implemented by the government organizations are working and following well or not.

·         To assist them with proper rehabilitation, offer equal opportunities, lessen poverty and encourage their role in the society.

·         To focus on their health, well being, education and social dignity.

പ്രവര്‍ത്തനങ്ങള്‍ 

• പ്രത്യേക പരിഗണന അര്‍ഹിക്കുന്ന കൂട്ടുകാരുടെ സൃഷ്ട്ടികളുടെ പ്രദര്‍ശനം 
• പ്രത്യേക അസംബ്ലി 
• ബാലസഭ - കലാപ്രകടനങ്ങള്‍ 
• ഫോട്ടോ പ്രദര്‍ശനം - പ്രതിഭകള്‍ 
• അതിജീവനത്തിന്‍റെ കഥകള്‍ - അവതരണം 
• പ്രത്യേക പതിപ്പ് പുറത്തിറക്കല്‍ 

കണ്ടെത്താമോ ...?
താഴെ കൊടുത്തിരിക്കുന്ന ലോകോത്തര പ്രതിഭകള്‍ ചില വൈകല്യങ്ങള്‍ പേറിയിരുന്നവരാണ് . ഇവരുടെ വൈകല്യവുമായി ബന്ധപ്പെട്ട പ്രശ്നങ്ങള്‍ , മികവുകള്‍ എന്നിവ കണ്ടെത്തൂ .... കണ്ടെത്തിയ ഏറ്റവും മികച്ച സൃഷ്ട്ടികള്‍ എനിക്ക് അയച്ചു തരുമല്ലോ .....

ഹെലന്‍ കെല്ലര്‍ 

സ്റ്റീഫന്‍ ഹാക്കിഗ്സ് 

ജീന്‍ ഡൊമിനിക്ക് ബോബി 

ജോണ്‍ നാഷ് 

ക്രിസ്റ്റി ബ്രൌണ്‍ 

ഫ്രിഡ കാലോ 

ബധോവന്‍

വിന്‍സെന്റ്വാന്‍ഗോഗ് 

മാര്‍ല റന്‍യാന്‍

സുധാചന്ദ്രന്‍